२४ औं अन्तराष्ट्रिय बुद्धिचाल दिवसको अवसर पारेर झापा स्थाई ठेगाना भएका नेपाललाई सम्मान गर्दै फ्रेण्डसिप चेस क्लवका अध्यक्ष अमिर राई (धनराज) । तस्वीर तिम्मा न्यूज
पथरी । कोशी प्रदेश स्तरिय एक दिवसिय बुद्धिचाल प्रतियोगितामा पाँचथरका रिसन थापा प्रथम भएका छन ।
२४ औ बुद्धिचाल दिवसको अवसरमा फ्रेण्डसिप चेस क्लव पथरीले आयोजना गरेको प्रदेश स्तरिय कार्यक्रममा आज भदौ २५ शनिबार सम्पन्न भएको हो ।
पंचायत माबिको सभाहल पथरी शनिश्चरे १ मोरङमा आयोजना गरेको प्रतियोगितामा दोस्रो बिष्णु सुब्बा धरान दोस्रो, प्रकाश चन्द्र नेपाल तेस्रो र उमेश राई चौथो भएका थिए ।
विजेता प्रथम, दोस्रो, तेस्रो चौंथो हुन सफल खेलाडीलाई नगद ६ हजार ४ हजार, २ हजार ५ सय, १ हजार ५ सय रुपैयाँका दरले परस्कार प्रदान गरेको थियो ।
त्यसै गरि पाँचौ मुहान नरसिङ श्रेष्ठ छैठौं प्रज्व घिमिरे, सातौं लोक सागर साम्बा, आठौं रोशन खड्गी, नऔं प्रेम लिम्बु र दशौं रोहित राय सुरज भएको मुख्य आर्बिटर डम्बर बाछाना राईले बताए । पाँचौदेखी दशौं स्थान विजेता खेलाडीलाई जनहीं १ हजार रुपैयाँको दरले पुरस्कृत भए ।
महिला खेलाडी तर्फ प्रतिमा बास्कोटा, फरक क्षमता तर्फ क्रिस सबेन्हाङ, विद्यार्थी तर्फ अगृम खड्का र ५५ उमेर माथिका वलिमान गुरुङलाई पुरस्कृत भए । उनिहरुलाई जनही नगद १ हजार रुपैयाँको दरले पुरस्कार प्रदान गरेको थियो ।
सोही कार्यक्रममा बुद्धिचाल प्रतियोगिता २०२४ को नेपाल च्याम्पीयन राजन सुवेदीलाई नगद पुरस्कार ५ हजार रुपैयाँ सहित सम्मान गरेको छ ।
आयोजक संस्था फ्रेण्डसिप चेस क्लवले २४ औं अन्तराष्ट्रिय बुद्धिचाल दिवसको अवसर पारेर झापा स्थाई ठेगाना भएका नेपाललाई सम्मान गरेको हो ।
सम्मानित बनेका नेपाल आउँदो भदौ र असोजमा हंगेरीको बुढापेष्टमा हुने ४५ औं चेस ओलम्पियाडको लागि नेपाली टिमबाट सहभागी हुन जाने तयारीमा छन ।
नेपाल बुद्धिचाल महासंघका कोशी प्रदेश सदस्य राम मादेन लिम्बु प्रमुख अतिथि रहेको कार्यक्रममा उद्योग बाणिज्य संघ पथरीका महासचिव अशोक कुमार राईको उपस्थिती रहेका थिए । क्लवका अध्यक्ष अमिर राई (धनराज) को अध्यक्षतामा भएको कार्यक्रममा सचिव लोक सागर साम्बाले संचालन गरेका थिए ।
