बेहोश अवस्थामा भेटिएकी एक महिलाको मृत्यु

पथरी । पथरिशनिश्चरे वडा नम्बर १ , पूर्व पश्चिम राजमार्ग अन्तर्गत पश्चिम बस स्टेण्ड छेउमा अचेत अवस्थामा भेटिएकी महिलाको मृत्यु भएको छ ।
आज दिउसँसो ३ः२० बजेको समयमा बेहोस अवस्थामा भेटिएकी फिदिम ८ पाँचथरकी वर्ष ६० की डम्मर माया मुखियाको मृत्यु भएको हो ।
सडकमा बेहोस अवस्थामा भेटिएकी मुखियलाई इलाका प्रहरी कार्यालयको टोली उद्धार गरेर पथरी नगर अस्पतालमा पुर्याको थियो ।
के कारण निधन भएको हो भनेर पुर्ण विवरण र मुजुल्का आई नसकेकाले केहि भन्न नसकिने र अनुसन्धानकै क्रममा रहेको ईलाका प्रहरी कार्यालय पथरीका डिएसपी मोहन विक्रम दहालले बताए ।
हाल निजको शवलाई नजिकैको उर्लाबारी नगरपालिकामा मदनभण्डारी ट्रमा सेन्टरमा पोष्ट मार्टमको लागि राखिएको पथरी प्रहरीले जनाएको छ । मृतकका आफन्त सम्पर्कमा आइसकेको प्रहरीले जानकारी दिएको छ ।