विराटनगर । नोबेल मेडिकल कलेज टिचिङ्ग हस्पिटल बिराटनगरमा प्रसुति तथा स्त्री रोग बिभागमा ट्यूमर बोर्डको बैठक सम्पन्न भएको छ ।
स्त्री रोग बिभागमा भएको बैठकमा पाठेघरको मुखमा हुने एक दूर्लभ क्यान्सरको शल्यक्रिया र उपचार पद्धतीको विषयमा छलफल गर्दै बैठक सम्पन्न भएको हो
प्रसुति तथा स्त्री रोग, प्याथोलोजी, रेडियोलोजी र अन्कोलोजी बिभागका चिकित्सक गरी ४५ जनाको सहभागिता रहेको थियो ।
बैठकमा स्त्री रोग बिभागबाट प्रा. डा. गेहनाथ बराल र मुञ्जल यादव, प्याथोलोजी बिभाग बाट प्रा. डा. ऋतु शर्मा, ट्यूमर बोर्ड संयोजक डा. ओशन श्रेष्ठ र डा. शिवकान्त यादव, अन्कोलोजी बिभागबाट डा. प्रदीप भण्डारी, रेडियोलोजी बिभागबाट प्रा. डा. उमाकान्त झा र डा. गणेश देवकोटा प्रस्तुतीकरण सहित छलफलमा सहभागी भएको नोवेल प्रशासनले जानकारी दियो ।
