विजय खम्बू
पथरी । पथरी शनिश्चरे नगरपालिका १ मोरङका गोपाल शर्मा (वर्ष ५८) पथरी शनिश्चरे नगरमा पहिलो साउण्ड सर्भिस ब्यापार गर्ने ब्याक्ती हुन ।
शर्माले पथरी बजारमा २०४४ सालबाट साउण्ड सर्भिसको ब्यवसाय सुरु गरेका थिए । नेपालको चर्चित कलाकारको कार्यक्रममा साउण्ड सर्भिस सेवा दिएका शर्माले विगत ३६ वर्षदेखी यो पेशमा निरन्तर छन ।
शर्माले यो ब्यवसाय सुरु गर्दा इटहरी, बेलबारी, उर्लाबारी, दमकमा समेत साउण्ड सर्भिस ब्यवसाय संचालनमा नरहेको बताए । विजय साउण्ड सर्भिस लिएर पूर्वको सबै जिल्ला घुमेको बताउछन । पूर्वको धार्मिक स्थल लारुम्बामा निरन्तर १४ वर्षसम्म साउण्ड सर्भिसको काम गरेको शर्माले बताए ।
राजेशपायल राई, जेवी टुहुरे, शम्भु राई, जितेन राई ज्वोती मगर दिपक लिम्बू विनोद राई जस्ता ख्याती प्राप्त राष्ट्रिय कलाकारहरुको कार्यक्रम सफल पारेका छन ।
१९ वर्षको उमेरबाट माइक बजाउने काम गरेको । एउटा माइक, एउटा एम्लीफायर एउटा ब्याट्री र एउटा माइक्रोफोनबाट करिब १० हजारको लागतबाट सुरु गरेको ब्यवसाय अहिले करिव ३० लाख रुपैयाँको लगानी रहेको शर्माले बताए । २ सन्तानको पिता रहेका शर्मालाई अहिले कान्छो छोरा अजयले ब्यवसाय संचालनमा सहयोग गरिरहेका छन । जेठो छोरा विजय भने बैदेशिक रोजगारीमा रहेको शर्माले बताए । शर्माको श्रीमतीको केही वर्ष अगाडी निधन भएको थियो । विवाह, पुरान पुजा वर्तमान आमसभा साङगितिक कार्यक्रमहरुमा अलिे पनि काम गरिरहेको शर्माको भनाई रहेको छ ।
शर्माले २०३४ बाट पथरीमा पान पसल र ब्याट्री पसल पनि गरेका थिए ।
