पथरी नगर अस्पतालले ५८ अङक प्राप्त गर्यो

पथरी । पथरी नगर अस्पतालले न्यूनतम सेवा मापदन्दको लेखाजोखा कार्यक्रमको सुचाङकमा ५८ अंक प्राप्त गरेको छ ।
हिजो चैत्र १० र आज ११ गते २ दिने सर्वेक्षण मापदन्द लेखाजोखा कार्यक्रमबाट पथरी नगर अस्पतालले ५८ अङक प्राप्त गरेको हो ।
पथरी नगर अस्पतालको बिभिन्न मापदन्द मध्ये यस पटक दन्त सेवा विस्तार, क्लिनिकल सेवा ब्यस्थापनमा गत वर्ष भन्दा सुधार, प्रशासन ब्यवस्थापन, सहयोग ब्यवस्थापन शिर्षक र कर्मचारी परिचालन सहितका शिर्षकमा अङक प्राप्त गरेको थियो । प्रत्यक्ष निरीक्षण तथा सहजीकरण गर्न कोशी प्रदेश स्वास्थ्य निर्देशनालयका जनस्वास्थ्य प्रशासक योगराज दाहाल, डा. प्रसान्त शाह कार्यक्रम संयोजक पशुपति खनाल र स्वास्थ्य कार्यालय मोरङका नर्सिङ अधिकृत संचिता खतिवडा २ दिन सहभागी भए ।
गत आर्थिक वर्षमा पथरी नगर अस्पतालले ५१ अङक प्राप्त गरेको थियो भने यस वर्ष ७ अङक वृद्धि गरेर ५८ अङ पुगेको जनाइएको छ ।
यस पटकसम्म पाँचौपटकको सुचाङक मापन फलोअप कार्यक्रम सम्पन्न भएको नगर अस्पतालमा कार्यरत सिनियर अहेब याम बहादुर खड्का बताए ।
आज नै समापन भएको कार्यक्रममा पथरी शनिश्चरे नगर प्रमुख मोहन प्रसाद तुम्वापो, उप–प्रमख देवीमाया काफ्ले १० नम्बर वडाका अध्यक्ष जीवन खतिवडा, नगर स्वास्थ्य शाखा प्रमुख मुरारी आचार्य, जग्गादाता तथा समाजसेवी बावुराम राई सहितको उपस्थितीमा समापन भएको थियो ।