पथरी । नोबेल मेडिकल कलेज टिचिङ हस्पिटल, विराटनगरको प्राविधिक सहयोगमा एकदिने निशुल्क स्वास्थ्य शिविर संचालन भएको भछ ।
रामधुनी नगरपालिका, झुम्का, सुनसरीको आयोजनामा एकदिने बृहत् स्त्री तथा प्रसूति रोग निःशुल्क स्वास्थ्य शिविर तथा क्यान्सर रोगसम्बन्धी परामर्श कार्यक्रम सम्पन्न भएको हो ।
उक्त कार्यक्रममा रामधुनी नगरपालिकाका उपप्रमुख, स्वास्थ्य प्रमुख तथा नोबेल मेडिकल कलेजका क्यान्सर रोग विभाग प्रमुख विशेषज्ञ डा. प्रदीप भण्डारी, स्त्री रोग विशेषज्ञ डा. मेलुना भुसाल, तथा रेडियोलोजी विभागकी डा. प्रीति यादवको उपस्थिति रहेको थियो ।
शिविरमा स्त्री रोग विशेषज्ञ सेवाबाट १२२ जना, क्यान्सर रोगसम्बन्धी विशेषज्ञ परामर्श – ४५ जना र रेडियोलोजी सेवा – ७७ जनाले सेवा लिए ।
