विन्दादेवी राईको नेतृत्वमा नयाँ नेतृत्व चयन

पथरी । .उत्साही साना किसान कृषि सहकारी संस्था लिमिटेडले आफ्नो १३ औं चुनावी वार्षिक साधारण सभाबाट विन्दादेवी राईको नेतृत्वमा नयाँ समिति निर्वाचित भएको छ ।
हिजो असोज १८ गते पथरी शनिश्चरे १ नर्वदेश्वर शिवालय मन्दिरमा सम्पन्न चुनावी सधरणसभाबाट उपाध्यक्षमा केशव बराल सदस्यहरूमा कुमार राई, सुशील राई, पूर्णमाया खतिवडा, रमा अधिकारी, रीता ढकाल, टेकप्रसाद निरौला, अशोक राई, पदम प्रसाद दाहाल,नारायण पाण्डेलाई निर्विरोध निर्वाचित भएको हो । लेखा तथा सुपरिवेक्षण समितिको संयोजकमा खिममाया आङ्देम्बेलाई पनि निर्वाचित गरेको छ ।
सोहि क्रममा संस्थाकी अध्यक्ष बिन्दा देवी राईले आर्थिक वर्ष २०८०÷०८१ को कार्य प्रगति प्रतिवेदन तथा २०८१÷०८२ का लागि भावी नीति तथा कार्ययोजना समेत प्रस्तुत गर्नुभएको थियो। उहाँले आर्थिक वर्ष २०८०÷०८१ को १ करोड २६ लाख ९६ हजार रूपैयाँ यथार्थ आम्दानी भएको आर्थिक प्रतिवेदनमा उल्लेख छ । यसैगरी, आर्थिक वर्ष २०८१÷०८२ का लागि १ करोड ३१ लाख ३७ हजार ७६४ रुपैयाँ बराबरको अनुमानित बजेट प्रस्तुत समेत गरिएको थियो । संस्थाले आव २०८०÷०८१ मा १४ लाख३८ हजार यथार्थ नाफा गरेको छ। सभा मार्फत संस्थामा हाल २१ वटा अन्तरसमूह र ४०२ समूह सङ्ख्या रहेको पनि उल्लेख गरिएको थियो ।
सभाका अवसरमा आफ्ना अतिथि तथा सेयर सदस्यहरूलाई १सय वटा अनार, १सय वटा कागती, २५० वटा मेवा, २५० वटाअमला लगायतका बिरुवाहरु सव–डिभिजन वन कार्यालय मङ्गलबारे र पथरीबाट निःशुल्क रुपमा उपलब्ध भएका बिरुवाहरु वितरण गरिएको थियो ।