सहकारी कर्मचारी संगठनमा पुनः गणेश बाछाना

पथरी । सहकारी कर्मचारी संगठन पथरी शनिश्चरे नगर समिति मोरङको १६ औं वार्षिक साधरण सभाबाट गणेश कुमार राई (बाछाना) को नेतृत्वमा नयाँ कार्य समिति चयन भएको छ ।
हिजो श्रीजङगा धार्मिक वन पथरी शनिश्चरे १० मा भएको साधरण सभाले समितिको उपाध्यक्ष दिपक अधिकारी, सचिव तेजिन्द्र पाण्डे (रमेश), कोषध्यक्ष इन्दिरा बुढाथोकी, संचालक सदस्यहरुः डिकबहादुर खड्का, आइतकुमारी तुम्बापो, पुन्यप्रसाद बराल, कल्पना थापा मगर, बालकृष्ण पोख्रेल, व्यवस्थापक प्रकृति बस्नेत सर्व सम्मात चयन भएको हो ।
नगर भरि रहेका ३२ वटा सहकारी संस्थाको १३७ जना सहकारी कर्मचारीहरु संगठित भएर संचालनमा ल्याएको यस संस्थामा २२ वटा बचत तथा ऋण साकोस, ४ वटा बुहुृद्धेश्य साकोस, ४ वटा कृषि सहकारी र १ उद्यमी महिला संचालनमा रहेका छन ।
यस वर्ष संस्थाले १ लाख ९९ हजार १ सय २ रुपैयाँ नाफा गरेको कोषाध्यक्ष इन्दिरा बुढाथोकीले प्रतिवेदनमा उल्लेख छ ।
स्थापना दिवसको अवसर पारेर सहकारी संस्था संस्थापक अध्यक्ष सम्मान अन्तर्गत शनिश्चरे बचत तथा ऋण सहकारी संस्थाका लिमिटेडका संस्थापक अध्यक्ष मुकुन्द पौडेल, सहकारी कर्मचारी निरन्तरता सम्मान कन्तुर बहुउद्देश्यीय सहकारीका व्यवस्थापक राजेन्द्र प्रसाद भट्टराई, सोहि बिधामा आरती बहुउद्देश्यीय संस्थाकी परिचालक कविता दाहाल, उत्कृष्ट बचत कारोवारकर्ता पुरस्कार हरियाली साकोसका व्यवस्थापक उमनाथ भण्डारी, उत्कृष्ट ऋण कारोबारकर्ता पुरस्कार अष्टलक्ष्मी साकोसकी परिचालक मोहिनी सुब्बालाई सम्मान गरेको थियो ।
कार्यक्रमका प्रमुख अतिथि राष्ट्रिय सहकारी बैंक लि. कोशी प्रदेश प्रमुख प्रभु पोखरेल, राष्ट्रिय सहकारी बेैंक लि. उर्लाबारीका शाखा प्रमुख विवेक रिजाल, जिल्ला वचत तथा ऋण सहकारी संघ लि. मोरङका व्यवस्थापन केदारनाथ दुलाल, सहकारी कर्मचारी संगठन उर्लाबारी इलाका समितिका अध्यक्ष चक्रबहादुर खड्का, सहकारी कर्मचारी संगठन बेलबारीका अध्यक्ष ताराहाङ राई, सहकारी कर्मचारी संगठन पथरी शनिश्चरेका सल्लाहकार तुलसी बस्नेत लगायतले शुभकामना मन्तव्य राखेका थिए ।