यसरी सजिलै छोड्न सकिन्छ रक्सी

तपाई जाँड, रक्सी, वियर, वाइन आदि सेवन गर्नुहुन्छ ? मदिरा सेवन गर्ने बानीका कारण तपाई आफै चिन्तित हुनुहुन्छ । मदिराको कुलतमा लागेर तपाई यसबाट छुटकारा पाउन चाहनुहुन्छ ?
यदी चाहनुहुन्छ भने हामी तपाईलाई मदिराको कुलतबाट कसरी टाढा रहने भन्नेबारे जानकारी दिँदै छौं ।
तपाईलाई थाह छ वा छैन मदिरा सेवन गर्दा स्वस्थ्यमा विभिन्न किसिमको रोगहरु निम्तिन्छ ।
मदिरा सेवन गर्दा दुर्घटनामा पर्ने, चोटपटक लाग्ने समस्या निम्तिन सक्छ । यतिमात्रै होइन मदिरा सेवन गर्दा क्यान्सर, उच्च रक्तचाप, मुटु तथा रक्तनलिसम्बन्धि रोग, मानसिक रोग, कलेजोसम्बन्धी रोग लाग्न सक्छ । त्यसैले मदिरा सेवन गर्नुहुँदैन । त्यसैले रक्सी सेवन नगर्न चाहनुहुन्छ भने यसका सहज उपाय छन् ।
मदिराको कुलत छाड्न यस्तो गर्नुस्
साथीभाइको दबाबमा नपर्ने,
अरुको लहैहलैमा मदिरा नखाने,
मदिरा सेवनका दीर्घकालिन असरहरुबारे सोच्ने,
मदिरा सेवन गर्न बस्दा परिवार, छोराछोरी र मदिराका हानी बारे स्मरण गर्ने
सकेसम्म आफूले मदिरा सेवन गर्ने स्थान तिर नजाने
मदिरा सेवन गर्ने साथी समूहसँगको सम्बन्धबाट टाँढा रहेन
राति अवेरसम्म बाहिर नबस्ने र बस्नै पर्ने अवस्थामा पनि रक्सी खानेहरुसँग भन्दा नखानेहरुसँग समय काट्ने
असरबारे जानकारी हुँदा हुँदै छोड्न चाहेर पनि छोड्न नसकेमा चिकित्सकसँग परार्मश लिने । यस खबरबाट साभार