लर्ड बुद्ध बचत तथा ऋण सहकारी संस्था लि. पथरी शनिश्चरे २ मोरङका सहायक ब्यवस्थापक राज निरौलालाई गोल्डकपको प्रचार सामग्री हस्तानतरण गर्दै । तस्वीर तिम्मा न्यूज
पथरी । प्रथम अन्तर्राष्ट्रिय आमन्त्रण पथरी शनिश्चरे प्रथम गोल्डकप २०८१ को प्रचार प्रसार तथा तयारी तिब्र रुपमा अगाडी बढाइएको छ ।
पथरी शनिश्चरे ११ फुटबल क्लव मोरङले असोज ५ गतेबाट असोज १२ गते सम्म आयोजना गरिरहेको गोल्डकपको प्रचार प्रसार तिब्र जारिएको हो ।
नेपालको राष्ट्रिय ए डिभिजन क्लव सहित ८ टिमको सहभागिता रहने यस गोल्डकपमा करिब ३५ लाख रुपैयाँ खर्च हुने अनुमान आयोजक संस्थाले गरेको छ ।
चर्चित राष्ट्रिय खेलाडीहरुको खेल कौसल प्रर्दशन गराएर दर्शकलाई मनोरञ्जन प्रदान गरिने आयोजक संस्थाका अध्यक्ष सुमन विकले जनाए ।
प्रथम नगद पुरस्कार ४ लाख रुपैयाँ, ट्रफि मेडल र प्रमाणपत्र र दोस्रो नगद पुरस्कार २ लाख रुपैयाँ ट्रफी मेडल र प्रमाण प्रदान गरिने छ ।
बिधागत पुरस्कारहरु उत्कृष्ट खेलाडी, प्रत्येक खेलको म्यान अफ दि म्याच, उत्कृष्ट गोलरक्षक, उत्कृष्ट डिफेन्स, उत्कृष्ट मिडफिल्डर, उत्कृष्ट स्ट्राइकर, उत्कृष्ट प्रशिक्षकले र सर्वाधिक गोलकर्ताले पुरस्कार पाउने छन । यसको राशी भने पत्रकार सम्मेलनबाट सार्वजानिक गरिने अध्यक्ष बिकले बताए ।
मुख्य प्रायोजक १० लाख रुपैयाँ, सहप्रायोजकको लागी ५ लाख रुपैयाँ र प्रायोजकको लागी १ लाख रुपैयाँको प्रस्तावना सार्वजानिक आयोजक संस्थाले गरेको छ । हालसम्म मुख्य प्रयोजक, सहप्रायोजक र प्रायोजकको प्रस्ताव नआइसकेको जनाइएको छ ।
गोल्डकप सफल बनाउन बैदेशिक रोजगारीमा रहेका दाताहरुले आर्थिक सहयोग पठाउने कार्य भइरहेको र पथरी शनिश्चरेमा रहेका बिभिन्न संघ सस्था, ब्यात्ती, ब्यापारी, उद्योगीहरुसंग छलफल गरिरहेको छ ।
प्रथम अन्तर्राष्ट्रिय आमन्त्रण पथरी शनिश्चरे प्रथम गोल्डकप २०८१ लाई सभ्य भब्य रुपमा सफल पार्न गर्नको लागी पथरी स्पोटिङ क्लवका अध्यक्ष धन कुमार तामाङ, कोषाध्यक्ष केबि गुरुङ पूर्व राष्ट्रिय खेलाडी तथा पथरी शनिश्चरे नगर खेलकुद विकास समितिका अध्यक्ष दिपक राई, राष्ट्रिय खेलडी मिन धिमाल, अर्जुन बस्नेत, मनकामना सामुदायिक वन उपभोक्ता समूहका अध्यक्ष दिनेश राई, पथरी बहुमुखी क्याम्पसको स्वबियू सभपति केशर राई लगायत सहितको टिम लागी परेका छन ।
