आयोजक पथरी भेट्रान्स विजयी

पथरी । “राष्ट्रको लागी खेलकुद, स्वास्थ्यका लागी खेलकुद” भन्ने मुल नाराको साथ पथरी शनिश्चरे १ जाँतेमोड खेलमैदानमा संचालन भई रहेको प्रथम वडाध्यक्ष भेट्रान्स पथरी शनिश्चरे गोल्डकप फुटबल प्रतियोगिताको दोस्रो दिन आज पथरी भेट्रान्स विजयी भएको छ ।
मिल्स भेट्रान विराटनगरलाई ० को विरुद्ध २ गोल गर्दै पथरी भेट्रान्स विजयी भएको हो । खेलको पहिलो हापको १५ औं मिनेटमा पथरीका तर्फबाट विक्रम लिम्बु र दास्रो हापको २२ औं मिनेटमा सानुराज ग्लानले एक गोल गर्दै टिमलाई जित दिलाएका थिए ।
खेलको म्यानअफद म्याच आयोजक पथरी भेट्रान्सको याम मगरले मेडल र नगद १५ सय रुपैयाँ प्रप्त गरे । हिजो कात्तिक ८ गतेबाट सुरु भएको उर्लाबारी भेट्रान्सले झापाको दुधे भेट्रान्सलाई ४–१ अन्तरमा हराउँदै विजयी भएको थियो ।
प्रतियोगिताको प्रथम पुरस्कार १ लाख एक हजार रुपैयाँ रहेको छ भने दोस्रो पुरस्कार ५५ हजार रुपैयाँ रहेको छ । विराज राजा कल्याण समाज नेपालले प्रथम पुरस्कार रकम प्रदान गरेको छ भने दोस्रो पुरस्कार देउमान क्षेत्री हाल अमेरिकाले ५५ हजार प्रदान गरेको आयोजकले जनाएको छ । पथरी शनिश्चरे नगरपालिका वडा न. १ मुख्य सहयोगी रहेको छ । उत्कृष्ट ८ भेट्रान्स फुटबल क्लबहरूले प्रतिस्पर्धा गर्नेछन ।