गोल्डकप सफल पार्न टिका तामाङले १ लाख १ हजार सहयोग गरे

पथरी । प्रथम अन्तर्राष्ट्रिय आमन्त्रण पथरी शनिश्चरे प्रथम गोल्डकप २०८१ लाई नगद १ लाख १ हजार रुपैयाँ सहयोग भएको छ ।
पथरी शनिश्चरे नगरपालिका वडा न. १ मा असोज ५ गते १२ गतेसम्म सञ्चालन हुने गोल्डकपको लागी पथरी शनिश्चरे नगरपालिका २ बुद्धचौक निवासी टिका तामाङले नगद १ लाख १ हजार सहयोग गरेका हुन ।
पथरी शनिश्चरे ११ फुटबल क्लव मोरङले आयोजना गरेको गोल्डकपलाई चौतर्फी रुपमा प्रचार गर्दै प्रचार प्रसार सहयोग रकम संकलन भइरहेको आयोजक समितिका अध्यक्ष सुमन बिकले जानकारी दिए ।
ए डिभिजन क्लव सहित ८ टिमको सहभागिता रहने यस गोल्डकपमा करिब ३५ लाख रुपैयाँ खर्च हुने अनुमान आयोजक संस्थाले अनुमान गरेको छ ।
प्रथम नगद पुरस्कार ४ लाख रुपैयाँ, ट्रफि मेडल र प्रमाणपत्र र दोस्रो नगद पुरस्कार २ लाख रुपैयाँ ट्रफी मेडल र प्रमाण प्रदान गरिने छ ।
बिधागत पुरस्कारहरु उत्कृष्ट खेलाडी, प्रत्येक खेलको म्यान अफ दि म्याच, उत्कृष्ट गोलरक्षक, उत्कृष्ट डिफेन्स, उत्कृष्ट मिडफिल्डर, उत्कृष्ट स्ट्राइकर, उत्कृष्ट प्रशिक्षकले र सर्वाधिक गोलकर्ताले पुरस्कार पाउने छन । यसको राशी भने पत्रकार सम्मेलनबाट सार्वजानिक गरिने अध्यक्ष बिकले बताए ।
मुख्य प्रायोजक १० लाख रुपैयाँ, सहप्रायोजकको लागी ५ लाख रुपैयाँ र प्रायोजकको लागी १ लाख रुपैयाँको प्रस्तावना सार्वजानिक आयोजक संस्थाले गरेको छ । हालसम्म मुख्य प्रयोजक, सहप्रायोजक र प्रायोजकको प्रस्ताव नआइसकेको जनाइएको छ ।
गोल्डकप सफल बनाउन बैदेशिक रोजगारीमा रहेका दाताहरुले आर्थिक सहयोग पठाउने कार्य भइरहेको र पथरी शनिश्चरेमा रहेका बिभिन्न संघ सस्था, ब्यात्ती, ब्यापारी, उद्योगीहरुसंग छलफल गरिरहेको छ ।