आधारभूत तहको नृत्य छनौट कार्यक्रम सम्पन्न

पथरी । पथरी शनिश्चरे नगरपालिकाको शिक्षा युवा खेलकुद शाखाले आयोजना गरेको पथरीशनिश्चरे नगरपालिका स्तरिय बिद्यार्थी प्रतिभा पहिचान तथा उत्कृष्ट बिद्यार्थी प्रोत्साहन कार्यक्रम अन्तरगत एकल नृत्य प्रतियोगिता आधारभुत तहतर्फको छनौट कार्यक्रम सम्पन्न भएको छ ।
भागीरथ मावि परिसर पथरी शनिश्चरे नगरपालिका ४ हिजो माघ २७ गतेबाट सुरु भएको आधारभूत तहको नृत्य प्रतियोगितामा ३३ वटा सहभागी विद्यालय मध्ये ११ वटा हिट राउण्डबाट विद्यालयका प्रतियोगीहरु छनौट भएका छन ।
रेड स्टार बोडिङ स्कुल, मोरङ मेरिगोल्ड बोडिङ स्कुल, आदर्श सीता आधारभूत विद्यालय, जनता मावि, न्यू पेगोडा बोडिङ स्कुल, एभरेष्ट बोडिङ स्कुल, चिनारी बोडिङ स्कुल, वाल्मीकी मेमोरियल सेकेन्डरी बोडिङ स्कुल, हिरक आधारभूत विद्यालय, भू. पू. सैनिक अंग्रेजी स्कुल र पंचायत माविका प्रतिस्पर्धीहरु छनौट भए ।
आज माघ २८ गतेबाट ३० गतेसम्म ३ दिवसिय संचालन हुने यस कार्यक्रममा माध्यमिक तहको नृत्य प्रतियोगिता, एकल गायन प्रतियोगिता, तहको चित्रकला प्रतियोगिता (आधारभूत र माध्यमिक) हिज्जे प्रतियोगिता आधारभूत तह, विज्ञान प्रतियोगिता माध्यमिक तहको प्रतियोगिताहरु संचालन हुनेछ ।