सांसदको कम्पनीद्धरा सडक निर्माणको काममा ढिलाई, ढिलाई प्रति नगरप्रमुखहरुको डेलिगेसन

कोशी प्रदेशको भौतिक पूर्वाधारमन्त्री कमल प्रसाद जवेगुको कार्यकक्षमा सडक निर्माणको काम ढिलाई भएको प्रति डेलिगेसन गएका पथरी शनिश्चरे नगर प्रमुख मोहन तुम्बापो र प्रवत्ता नविनजंग कार्की ।
विजय खम्बु
पथरी । पथरी शनिश्चरे शिविर देखि रंगेलीसम्माको २७ किलोमिटर सडक निर्माणको काम ढिलाई भएकोले तिनजना नगर प्रमुखहरुले कोशी प्रदेशको भौतिक पूर्वाधार मन्त्रालय र जिल्ला प्रशासन कार्यालय मोरङमा डेलिगेसन गएका छन ।
हिजो बिहिबार पथरी शनिश्चरे नगर प्रमुख मोहन तुम्बापो र वडा न. ८ का वडाअध्यक्ष तथा प्रबत्ता नविनजंग कार्की, रंगेली नगर पालिका प्रमुख दिलिप कुमार अग्रवाल र सुनवर्सी नगरपालिका रंगेली नगरपालिका प्रमुख श्यामप्रसाद राजवंशी डेलिगेसन गएका हुन ।
डेलिगेसन टोलीले जिल्ला प्रशासन कार्यालय मोरङका प्रमुख  भट्टराईलाई भेटेर सडक निर्माणको काम ढिलाई भएको बारे ध्यानाकर्षण गराइएको प्रबत्ता कार्कीले जानकारी दिए । प्रबत्ता कार्कीका अनुसार फागुन २१ गते सोमबारको दिन ठेकेदार कम्पनीसंग जिल्ला प्रशासन कार्यालय मोरङको कार्यालयमा छलफल गर्ने तयारी भएको जनाए ।
यो सडक निर्माणको काम नेपाली कांग्रेस पार्टीको रामेछाप जिल्ला सभापति पूर्ण बहादुर तामाङको (कान्छाराम कन्ट्रक्सन) ले १ अर्ब ९४ करोडमा ठेक्का पारेको थियो । संघिय सांसद समेत रहेका तामाङको निर्माण कम्पनीले यो सडक निर्माणको काम ढिलाइ गरेको हुनाले नगरक्षेत्रमा विकासको कामलाई धक्का लागेको स्थानिय बताउँछन । ५ वर्ष सम्मा पनि सडक निर्माणको कामले गति नलिए पछि विचमा अलपत्रै छाडेर भाग्ने हो की भनेर स्थानियहरु चिन्तित हुन थालेका छन ।
५५ फिट चौडाइको यो सडकको पथरीशनिश्चरे नगर भित्रमा डे«न र सामन्य ग्राभेलको मात्रै गरेर लथालिङग रहेको वडा अध्यक्ष तथा नगर प्रबत्ता कार्कीले बताए ।