४ जना खेलाडी सम्मानित

पथरी । पथरी–११ फुटबल क्लबले सहिद स्मारक सि डिभिजन लिगमा सहभागी भएर खेल खेलेका खेलाडीलाई सम्मान गरेको छ ।
क्लबले स्थानिय स्तरबाट उत्पादन गरेको खेलाडीहरुले सि डिभिजन क्लबमा आबद्ध भएर खेल्ने खेलाडीहरूलाई आज एक कार्यक्रमको आयोजना गर्दै दोसल्ला र सम्मानपत्रले सम्मानित गरेको हो ।
सि डिभिजन लिग विजेता क्लब बाग्मती युथ क्लव सि डिभिजनबाट बढुवा हुँदै बी डिभिजनमा प्रवेश गर्न महत्वपूर्ण भूमिका निर्वाह गरेका खेलाडी सनम धिमाल, उपविजेता क्लव आरसी ३२ फुटबल एकेडेमीका धिरेन बिष्ट, सोसल वेलफेयर युनाइटेड युथ क्लवका निरोज परियार र मनोहरा युनाइटेड क्लवका समीर क्षेत्रीलाई सम्मान गरिएको थियो ।
मिन धिमालको अध्यक्षतामा भएको कार्यक्रममा पूर्व राष्ट्रिय फुटबल खेलाडी तथा पथरी शनिश्चरे नगर खेलकुद संयोजक दिपक वान्तवा राई मनी लुम्फुवा, भीष्म न्यौपाने, दिपक पुलामी मगर र करण याक्खा जिमीको उपस्थिती रहेको थियो । क्लवका सचिव सुमन बिक सम्मान कार्यक्रम संचालन गरेका थिए । समाचार र तस्वीर स्रोत सुमन विक