एक दिने निःशुल्क शिविर सञ्चालन

प्रकाशित मिति: आइतबार, चैत्र २३, २०८१    समय: १९:०८:३८

पतरी । पथरी शनिश्चरे १० स्थित जिरिखिम्तीमा रहेको कञ्चनजङ्घा दैवी प्रकोप व्यवस्थापन समिति सँगको सहकार्यमा विराटनगरमा रहेको दिव्य ज्योति अस्पतालको स्वास्थ्य शिविर सम्पन्न भएको छ ।
नाक कान घाँटी र आंखासम्बन्धि सेवा दिने उद्देश्यले शनिवार सञ्चालित उक्त शिविरमा करिब १ सय ५० जना सेवाग्राहीले सेवा लिएको कञ्चनजङ्घा दैवी प्रकोप व्यवस्थापन समितिका सचिव प्रेम के डिले जानकारी दिए । संस्थाको भवनमा सम्पन्न शिविरमा आँखा रोग विशेषज्ञ डा. प्रिया मण्डल र नाक,कान,घाँटी रोग विशेषज्ञ मुकेश ठाकुरले सेवा दिएका थिए । शिविरबाट पथरीशनिश्चरेका विभिन्न वडाका सेवाग्राहीहरू लाभान्वित भएका छन् । नगरकै सबैभन्दा पुरानो संस्थाको रूपमा चिनिएको कञ्चनजङ्घा दैवी प्रकोप व्यवस्थापन समितिले प्राकृतिक विपत्तिमा परेकाहरूलाई सहयोगका साथै स्थानीय युवाहरूलाई खेलकुद तथा विभिन्न कार्यक्रमहरू गर्दै आएको छ । सोही संस्थाका युवाहरूले गत तिहारमा खेलेको देउसी भैलो कार्यक्रमबाट सङ्कलित रकमले पुस्तकालय सञ्चालन समेत गर्ने तयारी भइरहेको संस्थाका सचिव प्रेम के डिले बताए ।

तपाईको प्रतिक्रिया