चिनारी अंग्रेजी बोडिङ स्कुलले बिविध कार्यक्रम गर्दै १५ औं स्थापना दिवस मनायो

पथरी । चिनारी अंग्रेजी बोडिङ स्कुल पथरी शनिश्चरे २ ले १५ औं वार्षिकोत्सव तथा अभिभावक दिवस कार्यक्रम सम्पन्न गरेको छ ।
हिजो फागुन १५ गते बिहबारको दिन विद्यालय प्राङगणमा, सम्मान कार्यक्रम, पुरस्कार वितरण तथा साङगितिक कार्यक्रम सम्पन्न गरेको हो ।
विद्यालयका संस्थापक संचालक विरेन्द्र कुमार लिम्बुको अध्यक्षमा भएको वार्षिकोत्सव समारोहको उद्घाटन पथरी शनिश्चरे वडा नं. २ का वडाध्यक्ष नैना राईले गरेका थिए । कार्यक्रममा विद्यालयका विद्यार्थीहरूद्वारा नाटक, आकर्षक तथा साँस्कृतिक नृत्य, गायनहरु प्रस्तुत गरिएको थियो ।
सो कार्यक्रमको अवसरमा विद्यालयले उत्कृष्ट शिक्षकलाई सम्मान गरेको छ । यस वर्ष उत्कृष्ट शिक्षकका रुपमा शिक्षिका म्यारी पुलामीलाई दोसल्ला ओढाई सम्मानपत्र र नगद पुरस्कारले पुरस्कृत गरिएको गरेका थिए । औपचारिक कार्यक्रम विद्यालयका प्रिन्सिपल गजेन्द्र सुब्बाले सञ्चालन गरेका थिए ।