१० लाख रुपैयाँको अक्षयकोष स्थापना गर्ने

पथरी । पथरी शनिश्चरे ९ मा स्थापित सिहंबाहिनी माविमा १० लाख रुपैयाँको अक्षयकोष स्थापना गर्ने काम भइरहेको छ ।
स्काउट पथरीशनिश्चरे नगरको प्रमुख आयुक्त रोशन बुढाथोकीको नेतृत्वमा अक्षयकोष स्थापना गर्ने काम भइरहेको हो ।
आज विद्यार्थीलाई विभिन्न विधामा पुरस्कार वितरण कार्यक्रममा बोल्दै नगर आयुक्त बुढाथोकीले रकम संकलनको काम भइरहेको जनाए ।
आर्थिक अभावको कारण विद्यार्थीले विचमा नै पढाई छाड्नुपर्ने अवस्थालाई रोक्न ठुला अक्षयकोष स्थापना गर्न लागिएको जनाए ।
पथरी शनिश्चरे १० की श्यामकुमारी काङबाले सिहंवाहिनी माविमा ५१ हजार ५५ रुपैयाँको अक्षयकोष स्थापना गरिदिएकी छन । आज एक कार्यक्रम विच काङबाले विद्यालय ब्यवस्थापन समितिका सदस्य लक्ष्मीप्रसाद फुयललाई नगद हस्तानतरण गरेकी हुन ।
आज नै विद्यालयका अभिभावक खड्ग बहादुर कार्कीले नगद २५ हजार रुपैयाँ जम्मा गरिदिएका छन ।